منتديات ميجا اب
منتديات الاسكندر تاتو ترحب بكم

يشرفنا ان تكون معنا فى اسرة المنتدى

فإذا لم تكن مسجل لدينا فقوم التسجيل

وإذا كنت مسجل لدينا فقوم بالدخول

اخيكم | الإسكندر تاتو



 
الرئيسيةمركز رفع الصورالتسجيلدخول

شاطر | 
 

 يوميات لواحظ وعبد المتجلي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بنوتة شقية
مشرفة الاسكندر تاتو العام
مشرفة الاسكندر تاتو العام


عدد المساهمات : 690
العمر : 20
العقرب
انثى

مُساهمةموضوع: يوميات لواحظ وعبد المتجلي   الإثنين أغسطس 01, 2011 12:20 pm

بسم الله الرحمن الرحيم

يوميات انهارده غير اي يوميات نزلتها قبل كده
لانها بتحمل طابع خفه الدم والفكاهه
هنشوف مع بعض احداثها ومواقف ابطالها اللي تضحك جدا
ويارب اكون ضيف خفيف عليكم بالقصص اللي
بنقلها ودلوقتي مع اولى حلقات
الليدي لواحظ واللورد عبد المتجلي
(للاسف معرفش اسم الكاتب بس هي منتشره على المنتديات يعني)



يلا بينا مع اجمل يوميات مضحكة من القلب تعالو نضحك

(الحلقة الاولى)


الام:لووووووووووى لووووووووووووى

الاب:ايه يا جملات بتزغرطى كده ليه؟

الام:اسكت يا حج لواحظ جالها عريس يا اخويا



( الاب وعنيه مبرأة ومذهول)

لواحظ بنتنا يا ولية ولا انا بيتهيألى!!!!يا اما أنتا كريم يارب أخيرا هتتفك عقدتها
الام:وطى صوتك يا متولى البت تسمع تتقهر يا أخويا احنا ما صدقنا



الاب:طيب طيب خلاص بس تعالى احكيلى مين اللى امه داعية عليه ده



(الام
وهى فى منتهى الانشراح) ده الواد عبد المتجلي ابن الست بهية فى الشارع
اللى ورانا يوه ما انتا عارفهم يا راجل كان ابوه بتاع مراجيح




الاب:ها كملى.... اولها مراجيح ربنا يستر



الام:هو عمره ما شاف لواحظ بس سمع عن ادبها وجمالها اصله كان مسافر الخليج يا اخويا



الاب:أدبها طب قولى حاجة غير كده يا ولية ما انتى عارفة بنتك لسانها طول نفق شبرا



الام:يوه بقى يا متولى سيبنى اكمل يا راجل وما تبوظش فرحتى



الاب:يعنى بيشتغل ايه حيلة امه ؟



الام:بسم الله ماشاء الله ميكانيكى اد الدنيا



الاب:يلا لو زبال حتى انا عاوز اجوزها قبل ما أتشل وتجيلى جلطة من عمايلها السودا



الام:بعد الشر عليك يا ابو لواحظ....وتعيش وتشوف ولاد ولادها



الاب:لالالالا هى بس تتجوز ومش عاوز اشوف اى حاجة من ريحتها ده انا جالى الضغط والسكر منها يا جملات



الام:ههههه تتك أيه يا متولى ضحكتنى ده انتا بتموت فيها يا راجل مش بنتك الكبيرة



الاب:امال ايه ....بس ربنا يهديها وتتم الجوازة على خير



(صوت تكسير وصريخ ابنهم الصغير حناطة خارج بيجرى من اوضته )



حناطة:أاااااااااااااه الحقونى يالهووووووووووى



(ويستخبى
حناطة ورا كرسى أبوه .....بينما تخرج الليدى لواحظ بتجرى وراه وهى بنت
شرسة رغم ملامحها التى تبدو الى حد كبير مقبولة ولكنها غير منظمة فى
مظهرها وعنيفة وصوتها عالى باستمرار)




لواحظ:وحياة
أمك وأبوك اللى رايح تستخبى وراه ده لقطعك ياخرتيت
انتا.....مااااااااااشى اما كهربتك يا حناطة وانتا نايم وتموت مفحم ما
أبقاش أنا فتكات




الاببمنتهى الهدوء والرعب طبعا من منظر بنته وفلذة كبده لواحظ) ايه يا لظلظ صلى على النبى فى قلبك كده يا بنتى فى ايه بس؟



لواحظ :اسكت انتا دلوقتى يا عم الحج سيبنى منى له



الاب:عم الحج!!!! يا بت احترمينى الله يحرقك ده انا ابوكى



كان يوم اسود يوم ما أمك قالتلى انها حامل فيكى


الام:اة يا اخويا حتى يومها المرحومة أمك ربنا افتكرها اهى البت طلعت لها




لواحظ:يا عينى عليكى يا لولو كلهم عليكى الهى اشوف فيكو يوم



الاب:يلا يا حناطة على اوضتك ماتخفش ....(ويلتفت الاب للواحظ) وانتى يا أم طويلة أترزعى جمبى هنا عايزك



لواحظتقعد على الكرسى فى انكسار وهزيمة بعد ما حناطة فلت من تحت سنانها) افندم يا بابا
الاب:ايه الادب ده كله .....الله الله



الام:خلاص بقى يا متولى يلا فرحها بالخبر (وتطبطب على لواحظ وعلى وشها ابتسامة عريضة)



الاب:احممممم بصى يا لواحظ يابنتى خالتك حسنية جايبة لك عريس لوقطة وهيجوا يشوفوكى الخميس الجاى



الام:لووووووى مبروك يا نور عينى عقبال الفرح يارب(وتبوس لواحظ التى جلست فاتحة بؤها ومذبهلة من خبر زيارة عريس الغفلة)



الاب:هو اسمه عبد المتجلى وبيشتغل ميكانيكى محترم .......ها ايه رأيك .؟



لواحظ:ايييييييييييه ميكانيكى يعنى ايده سودا وريحته بنزين 80....مستحيل اتجوزه مش عايزاه



الاب:هتشوفيه غصبن عن عين ابوكى .....هو ده اللى عندى واعملى حسابك على الخميس اللى جاى

لواحظوعنيها بتطق شرار وتحدى) بقى كده ماشى



انتا اللى جبته لنفسك يا سى عبد المتجلى ..........


لسة الخطوبة وربنا معاك يا عبده
اتمنى تعجبكم يا جماعة
والكل معزوم فى الخطوبة
والحاضر يعلن الغايب
خطوبة لواحووووووووووووووووواحظ قريبا


انتظرونى الحلقة الجاية .....................................
الرجوع الى أعلى الصفحة اذهب الى الأسفل
نور
مشرفة الاسكندر تاتو الاسلامى
مشرفة الاسكندر تاتو الاسلامى


عدد المساهمات : 755
العمر : 19
الثور
انثى

مُساهمةموضوع: رد: يوميات لواحظ وعبد المتجلي   الإثنين أغسطس 01, 2011 2:08 pm



[ندعوك للتسجيل في المنتدى أو التعريف بنفسك لمعاينة هذا الرابط]


"مرر الماوس على التوقيع"

الرجوع الى أعلى الصفحة اذهب الى الأسفل
بنوتة شقية
مشرفة الاسكندر تاتو العام
مشرفة الاسكندر تاتو العام


عدد المساهمات : 690
العمر : 20
العقرب
انثى

مُساهمةموضوع: رد: يوميات لواحظ وعبد المتجلي   الإثنين أغسطس 01, 2011 2:24 pm

نورتى



سبحان الله وبحمده سبحان الله العظيم
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
​ ♥♥♥♥♥♥♥♥♥♥♥♥♥♥♥♥♥♥♥♥
اللهمــ لكـ الحمد كما ينبغى لجلال وجهكـ وعظيمـ سلطانكـ
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
​♥♥♥♥♥♥♥♥♥♥♥♥♥♥♥♥♥♥
لا اله الا انت سبحانك انى كنت من الظالمين
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
​ ♥♥♥♥♥♥♥♥♥♥♥♥♥♥♥♥♥♥♥♥
سبحان الله و الحمد لله و الله اكبر
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
​ ♥♥♥♥♥♥♥♥♥♥♥♥♥♥♥♥♥♥♥♥

لا حول ولا قوة الا بالله العلى العظيم
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
​ ♥♥♥♥♥♥♥♥♥♥♥♥♥♥♥♥♥♥♥♥
سبحان الله وبحمده عدد خلقة ورضا نفسه وزنة عرشة ومداد كلماته
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
​♥♥♥♥♥♥♥♥♥♥♥♥♥♥♥♥♥♥♥♥
اشهد ان لا اله الا الله واشهد ان محمد رسول الله
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
​ ♥♥♥♥♥♥♥♥♥♥♥♥♥♥♥♥♥♥♥♥


الرجوع الى أعلى الصفحة اذهب الى الأسفل
نور
مشرفة الاسكندر تاتو الاسلامى
مشرفة الاسكندر تاتو الاسلامى


عدد المساهمات : 755
العمر : 19
الثور
انثى

مُساهمةموضوع: رد: يوميات لواحظ وعبد المتجلي   الإثنين أغسطس 01, 2011 2:24 pm

دا نورك


[ندعوك للتسجيل في المنتدى أو التعريف بنفسك لمعاينة هذا الرابط]


"مرر الماوس على التوقيع"

الرجوع الى أعلى الصفحة اذهب الى الأسفل
 
يوميات لواحظ وعبد المتجلي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ميجا اب :: ميجا اب العام :: منتدى القصص والروايات-
انتقل الى: